രണ്ടു കാര്യങ്ങള്‍

രണ്ടു കാര്യങ്ങള്‍ പറയാന്‍ ഉണ്ട്..

വളരെ നല്ലതും ....വളരെ മോശവും..

നല്ലത് ആദ്യം പറയണം...അതാണ് നല്ലത്.

15 /02/ 2017

നാം ഓരോ ഭാരതിയനും അഭിമാനിക്കാവുന്ന ഒരു ദിവസമായിരുന്നു. 104 ഉപഗ്രഹങ്ങളുമായി  I.S.R.O  ബഹിരാകാശത്തേക്ക് കുതിച്ചുയര്‍ന്ന ദിവസം...101 വിദേശ ഉപഗ്രഹങ്ങളും 3 ഭാരതിയ ഉപഗ്രഹങ്ങളും.

നമ്മുടെ ശാസ്ത്രരംഗം എത്രത്തോളം മുന്നോട്ടു പൊയ്കൊണ്ടിരിക്കുന്നു. അമേരിക്കയുടെ ഗതിനിര്‍ണയ സംവിധാനമായ G.P.S  നേക്കാള്‍ മികച്ചതാണ് നമ്മുടെ I.R.N.S.S  സീരിയസുകള്‍..

ചില കാര്യത്തിലെങ്കിലും നമ്മള്‍ വെറും നമ്മള്‍ അല്ലായെന്ന് ഓരോ ഭാരതിയനെയും ഓര്‍മപ്പെടുത്താനും ആ ഓര്‍മകളിലൂടെ ഭാരതിയന്‍, ഭാരതം എന്ന ഒറ്റ ചിന്തയിലേക്ക് എത്തുവാനും ഇതുപോലെ ഉള്ള അഭിമാനങ്ങള്‍ നമ്മുക്ക് വേണം.

രാഷ്ട്രിയത്തിന്‍റെയും മതത്തിന്‍റെയും പേരില്‍ അനാവശ്യമായ അരക്ഷിതാവസ്ഥകള്‍ ഉണ്ടായിക്കൊണ്ടിരിക്കുന്ന ഈ സാഹചര്യത്തില്‍ I.S.R.O-യുടെ വിജയങ്ങള്‍ നമ്മുക്ക് സന്തോഷത്തോടെ ആഘോഷിക്കാം...

പക്ഷെ

എന്തു സന്തോഷം ഉണ്ടെങ്കിലും അത് മുഴുവന്‍ ഒരു നിമിഷംകൊണ്ട് കെടുത്തിക്കളയാന്‍ വളരെ കുറച്ചു ആളുകള്‍ മാത്രം മതി.

14 /02 / 2017

അഴീക്കല്‍ ബീച്ചിലെ സദാചാര പട്ടികള്‍. രണ്ടു കുട്ടികളുടെ അഭിമാനത്തെ കടിച്ചു കീറിയിരിക്കുന്നു..ഒരു ആണും പെണ്ണും പ്രണയിക്കുന്നത്‌ ഭാരതത്തില്‍ എന്തുകൊണ്ടാണ് ഇത്ര വലിയ തെറ്റാവുന്നത്‌ ?..

അവിടെ സംഭവിച്ചത് അതൊന്നും അല്ല.

ആ രണ്ടു കുട്ടികളില്‍ നിന്നും അവര്‍ എന്തെല്ലാമോ കൂടുതല്‍ പ്രതീക്ഷിച്ചു. അതുകൊണ്ടാണല്ലോ അണ്ണന്മാര്‍ ക്യാമറയും കടിച്ചുപിടിച്ച് ഇരുന്നത്. ഒന്നും നടക്കാതെ ആയപ്പോള്‍ ഉണ്ടായ നിരാശയും ദേഷ്യവും മാത്രമാണ് അവര്‍ ആ കുട്ടികളോട് കാണിച്ചത്‌...

അല്ലാതെ ഇവനൊക്കെ എന്തു സദാചാര ബോധമാണ് ഉള്ളത്..എന്തു അവകാശത്തിന്‍റെ പേരിലാണ് ആ പെണ്‍കുട്ടിയുടെ മുഖത്ത് അതില്‍ ഒരു നായ തൊട്ടതു. സ്ത്രീത്വത്തെ ബഹുമാനിക്കാന്‍ അറിയാത്ത ഈ നായ്ക്കളൊക്കെയാണോ സമൂഹത്തെ ഉദ്ദരിക്കാന്‍ നടക്കുന്നത്.

ഉള്ളിലുള്ള മനോവൈകൃതങ്ങളെ സദാചാരത്തിന്‍റെ പേരില്‍ പ്രദര്‍ശിപ്പിക്കുന്ന എല്ലാ നായ്ക്കളെയും....ജാതിയുടെയോ രാഷ്ട്രിയത്തിന്‍റെയോ വേര്‍തിരിവില്ലാതെ ചികിത്സിക്കണം എന്ന് മാത്രം പറഞ്ഞുകൊണ്ട്...അപമാനത്തോടെ നിര്‍ത്തുന്നു.